2009-07-30 - 12:24 a.m.
由細到大, 我比較喜歡的運動是打籃球, 雖然我只是射下波, 但那入波的滿足感是令我keep住想玩的原因.
中二三時係校隊, 但只是後備, 打學界時出唔夠5分鐘, 雖然係咁, 但對我來說絕對無hard feeling, 由始至終我都係志在參與, haha, 這與我"無爭"的性格好有關係~ 早上著住校服射波, 放學一起訓練的日子, 我還記得清楚.
那時仲玩埋咩彩園籃球隊, 唔記得逢星期幾, 有教練會book左紅場俾我地練波, 當然大把勁人係到, 我同ka wai都係至在參與.
至於自己班, 我記得個時好有心, 約埋幾個同學仔, 冬天都晨咁早逢星期六係天平射波,射完過紅場就會見到3f班男仔係度打波, 之後再一齊去吃飯.
到左而家出來做野, 成班3f都有keep住, 但大家都少左打波,而且大家各有各忙, 有d仲結左婚, 要約打波真係好難.
男友都係3f一份子, 他常常都想打多d波, 當聯誼又好, 做下運動又好, 大家重拾舊時感覺, 一起在球場上運動下都好過去唱k飲飲食食啦~
每次去完屯門市中心, 和他搭46經過街場時, 總會不其然看看有什麼人在打波, 是有點懷念街場的日子,那時大把青春等你揮霍, 係場hea下玩下又一日,但而家年紀大了, 站在街場上我只像個外人~個個都細你十幾年, 而且而家d細路唔知食咩大, 個個都180cm, 哈哈~我地呢班快要三字頭的仲點夠人打?
雖然我血小板低, 醫生已說我玩不了那些太多衝撞的運動, 而且自04年那次入深切後, 我的小腿無以前咁有力, 射key射到第三四個位已經唔夠力, 連我以前最準的罰球也射不了, 三分更加不用說了, 可以說, 我打不了籃球了!但每次wtk book場讓我射波, 我依然享受整個過程! 我相信的, 只要有heart, 幾忙都會抽到時間做運動, 只要keep住做, 有朝一天我可以射回我十球入八球的罰球~
