2008-10-10 - 5:00 p.m.
你總會怪我不告訴你我將會做d咩，事實係，我根本都唔知自己將會做d咩，話你知，很多時我都係突然決定去做一樣野的。
例如每次由hku放工，我都未決定好用咩方法走，由按lift個刻，G樓就去東閳，UG就去西闡，我好多時都係就個刻的即時選擇而決定。
如果個刻選了去G樓，當我走完東闡那長長的樓梯等過馬路時， 我會想"行左定行右"?
如果我選了行左走進興漢道，會落水街或有時貪得意走去第三街買蛋卷/江蘇餅，有次更行了去皇后大道西看看。你要知道，我就是喜歡周圍亂行，探索一些我未去過的地方，看看一些特別的商店~行完一輛，我才會決定坐(叮叮OR 巴士 OR 行路)去搭(960/村巴)，而坐(叮叮/巴士)時我又會考慮搭到(上環/金鐘/灣仔)來轉搭(960/村巴)，可以話，如果我搭緊叮叮時你打俾我問我而家去邊，我只可以話你知我搭緊電車，但我自己都未知係邊度落車，未到要落車個刻我都未決定，但一動身就等於我的決定。
去到上環我會搭村巴，搭村巴係市中心落我又會去行下，或食個晚飯才回家；
去到金鐘我會行下GREAT，或索性係TRIPLE O'S 吃個BURGER才乘車回家；
去到灣仔我有時會行下條'玩具街"或食個檀島蛋撻/魚旦粉才乘車回家。
以上只是東閳的部份!!
至於西闡，就簡單一點，我會搭970，到西隧口時我會決定落車定唔落車，如果落了車就轉乘960回家。如果無落車就搭到旺角，多數係始創落車，行下金魚街同花園街，吃串魚旦買個菠蘿包，時間尚早時會走去太平道的SPCA買下罐頭、睇下貓貓狗狗，或者行下雀仔街，最後會上新世紀搭車回家。
當然，我不是每次放工都是這樣，但如果個日心情好又有精力時，我就喜歡行下睇下先返屋企，或者對你這位所有野都要有PLANNING的人來說，我的思想行為是很無稽的，但我自細就是這樣......總覺得這些無傷大雅又影響唔到人的"無計劃"，是很自在的一件事!
